[AFD Galicia] 👉 Accións Formativas para desempregados en Galicia

Chamamos AFD, polas súas siglas, ás accións formativas para desempregados. Trátase da oferta formativa subvencionada dirixida prioritariamente a persoas en situación de desemprego, aínda que cabe a posibilidade de que haxa prazas para outros tipos de situacións, como veremos neste caso coas AFD de Galicia.

Como entidade de formación acreditada para impartir formación profesional para o emprego no ámbito laboral da Comunidade Autónoma de Galicia, entre outras, como entidade que conta coas instalacións debidamente acreditadas que permiten a impartición de actividades presenciais e cun gran equipo de formadores no seu haber, Grupo Método participa desta convocatoria de AFD en Galicia para o período 2021-2022.

Toda esta formación está subvencionada e é 💡 100% gratuita para demandantes de emprego e profesionais en situación de ERTE da Comunidade Autónoma de Galicia, con prazas limitadas para profesionais da Economía Social e profesionais por conta propia de calquera sector de actividade de Galicia.

✔ Agora mesmo Grupo Método ofrece catro formacións en modalidade presencial que se farán en Vigo, aínda que hai previsión de aumentar a oferta e estendela a outras cidades galegas.
Destas catro acciones formativas para desempregados de Galicia ofrecemos un curso de Loxística integral COML03; un certificado de profesionalidade de nivel 2: Operación de sistemas informáticos IFCT0210; e dous certificados de profesionalidade de nivel 3: Administración e deseño de redes departamentais IFCT0410 e Organización do transporte e a distribución COML0209.

Estas son as accións formativas para desempregados en Galicia que ofrecemos nestes intres:

Curso de Loxística integral

En ⏳ 248 horas aprenderás a xestionar un almacén e os diferentes modos de transporte, mediante ferramentas de planificación óptimas para a xestión eficaz e eficiente da cadea de subministración.

✔ Este curso ten un nivel de cualificación 3 polo que se che interesa facelo debes ter a titulación de Bacharelato, unha titulación de Formación Profesional de grao superior ou un título equivalente.